The Matrix 5 an siam leh dawn

'The Matrix Resurrec-tions' tihchhuah a nih aṭanga kum thum hnuah, Warner Bros. chuan sci-franchise Matrix fifth installment a siam leh dawn. The Matrix 5-ah hian Netflix series, 'Daredevil' creator Drew Goddarh chu director leh script writer a ni ang.

Warner Bros chuan Matrix 5 hi a buaipui ṭan tawh a, Matrix film zinga Lana emaw Lily Wachowski emaw direct ni lo film hmasa ber a ni dawn a ni. Mahse 2021 'The Matrix Resurrections' director, Lana hi film tharah hian executive producer a la ni dawn tho a ni. Franchise star Keanu Reeves leh Carrie-Anne Moss-te chu Matrix 5-ah an chang leh dawn em tih sawi chian a la ni lo. Anni pahnih hi Matrix film pali-ah an chang vek a ni.