AI hman duh lotu Billie Eilish, Katy Perry leh Nicki Minaj

Artist 200-te'n open letter ziakin, music industry-a Artificial Intelligence (AI) hman ṭhin tihtawp an duh thu an sawi. Open letter-a hming sign-tu zingah hian Billie Eilish, Katy Perry leh Nicki Minaj-te pawh an tel.

Open letter-ah hian artist-te chuan tech firm hrang hrangte chu AI musci-generation tool siam lo turin an ngen a, songwriter leh artist-te thiamna leh hlutna dah pawimawh turin an ngen. He open letter hi campaign group, Artists' Rights Alliance buatsaih niin, AI chu artist-te dikna chanvo bawhchhiat leh dah hniam theihna a ni tiin, hetiang zawnga hman ṭhin ven a ṭul thute an sawi.