University of Rock-ah Knot band pakhatna

Mizoram University student union-in an buatsaih ṭhin, MZU Rock Fest tia hriat lar chu kuminah 'University of Rock' tia thlakin, April 3 khan band inelna neih a ni. Knot band chu pakhatna niin, pahnihna Be Run Over leh pathumna Lion of Judah an ni.

Kuminah hian MZU students union chuan event organiser, Bbyanimals kuta dahin, anni hian an buaipui vek a ni. Bbyanimals hi event organising firm niin, local festival, emo nite leh punk 101 te hlawhtling takin an lo buatsaih tawh bawk. Kumina beat contest hi Mizoramah Seki dawta beat contest lian ber niin, kum dang zawng aiin lawmman pawh a sang. Pakhatna lawmman hi Rs 1,00,000 niin, pahnihna Rs 30,000 leh pathumna Rs 20,000 a ni. Intihsiaknaah hian band 18 an tel.