Pensy an la chelh ding

Hontrande International Ṭhazual Lengzem lamah chuan Pensy-i bawk chelh din a la ni a, pakhatna dinhmun a luah leh ta.

Ṭum thum zet pakhatnaah Pensy hi 'Chelh ding rawh' tih hla hmang hian a awm ta a, a hlawhtling hle. He music video hi Pensy tana kumina a music video hmasa ber a ni a, pakhatna a zawna ṭum thum hauh thei pahnihna a ni. Lengzem/lenglawng huang chhungah Lawmi Khiangte chuan 'Kan hlimlai' tih hla hmangin pakhatna ṭum li zet a lo hauh tawh a, Pensy hi a rawn hlawhtling leh a, pakhatna hi vawi khat dang a luah leh thei ang em? A hnuaia awm, hla thar rawn chhuakho hi a ṭha hle a, chutihrualin Pensy-i zaithiamzia pawh kan hre bawk.

'Chelh ding rawh' tih hla hi Khumtung hla phuah thiam R. Lalchhanhima, Chhantea phuah a ni. Chhantea hian a hla phuahte zaithiam hrang hrang saktirin album a buatsaih mek a, kuminah chuan tihchhuah hman ngei an tum. 'Chelh ding rawh' tih hla hi a ṭha a, a mawi a, a hla dang leh zelte pawh ngaihthlak a tichakawm hle. Tunah hian shooting leh recording te buaipui chhoh mek a ni.

Pahnihna aṭangin Samuel Chhangte leh Sangkimi Khiangte te pahnih zaina 'Inṭhen lawng' tih chu pathumnaah a chhuk a, stAge ft Sangteii Khawlhring te sak 'Beiseina' chu parukna aṭangin pahnihnaah a rawn kai chho dawrh mai. J&J hla 'Ka hmangaih ber che' tih chu pangana aṭangin palinaah a kai chho a, pathumna aṭangin Lawmi Khiangte hla 'Kan hlimlai' chu panganaah a chhuk bawk.

Top 10 aṭangin Ananda hla 'Zo lanu leng' chu a chhuak a, Pektea chu 'Aw nang nen' tih hla hmangin pakuanaah a rawn d‚k chhuak.

Hontrade International Ṭhazual Lengzem

1 Pensy B Lalthangliani -

Chelh ding rawh

2 stAge ft Sangteii Khawlhring -

Beiseina

3 Samuel Chhangte & Sangkimi Khiangte -

Inṭhen lawng

4 J& J -

Ka hmangaih ber che

5 Lawmi Khiangte -

Kan hlimlai

6 Zothan -

Sam ang ka ṭhen ta e

7 TRC Various Artists -

Romanians

8 Voices of LGC -

Summa Supremo

9 Pektea -

Aw nang nen

10 Remkimi Cherput -

Zoawi lelte a fam ta