AC/DC-ah Axl Rose

Guns N' Roses inzawm≠khawm chung≠chang an sawi mek laiin Axl Rose chanchin erawh a peng leh hlek. AC/DC-ah Axl Rose hi an zaipu ber a ni dawn a, khawvel puma fanga concert an neih chhoh mek a, Axl Rose hi vocalist-ah an hmang dawn.

Australian rock band chuai thei lo leh huhang ngah em em reng AC/DC hian world tour an nei mek a, vanduaina an band chungah a thleng a ni ber ang chu, an vocalist Brian Johnson chuan a beng lama harsatna a neih avangin a chawlhsan lailawk a ngai a, chuvang chuan a aiah Axl Rose hi an hmang dawn ta a ni.

Tunah hian AC/DC hian US-ah tour an nei rih mek a, show neihna tur hmun 10 lai an la nei. Hmabak an la ngah hle lai hian Johnson hi a doctor chuan an tour chawlhsan rih turin a hrilh a, chuti a nih loh chuan bengngawng hlen thei dinhmunah a ding tih a hrilh a ni. Axl hian Johnson hi a thlak dawn tih an tichiang fel tawh a, Europe-a tour an neihna tur hmun 12-ah pawh a zai vek ang.