JK Rowling leh Elton John Briton zinga ṭanpuina pe nasa ber

Ram changkangah hian ṭanpuina an pe chhuak nasa hle a, khawvel pumah US mipuiten donation an pe hnem ber a, a dawtah UK a ni. UK-ah hian celeb zingah Harry Potter ziaktu JK Rolwing leh Sir Elton John te chu ṭanpuina tura sum pe nasa ber an ni.

Nikum chhung khan Elton John hian ṭanpuina thilah £mtd 26.8 zet a pe chhuak niin, Sunday Time-in Giving List a tarlanah hian sawi a ni a, a sum pek chhuahna ber chu AIDS do nana a din foundation-ah a ni. Kum 1992 khan Elton John hian Elton John AIDS Foundation a din a, he pawl hmang hian USD mtd 200 chuang zet chu HIV/AIDS programme atan a tuakin a thehchhuak tawh a ni.

JK Rowling hian kum 2015 chhung khan £mtd 10.3 zet a pe chhuak tawh bawk. Rowling pawh hian ṭanpuitu pawl, Lumos Foundation a din a, he pawlin a tum ber chu naupang leh hnuchhamte an awm loh theihna tur a ni a, a dang, Volant Charitable Trust-ah sum tam tak a thawh bawk a, he pawlina a tum ber chu khawtlanga mi chhum≠chhiate chawikan te, a nu thihpui natna, multiple sclerosis natna do te a ni.

Ṭanpui nana sum thawh hnem dang≠ah hian David Beckham pawh a lang a, ani hian naupangte ṭanpui nan £ mtd 5 zet a thawh a, Northern Irish mi, golf khawvela hmingthang Rory McIlroy te, Colin Montgomerie te an lang bawk.