Mark Zukerberg leh Stephen Hawking ten Alpha Centauri-ah Alien an zawng dawn

Khawvelah hian mi sang tam tak, leia mihring ni lo, planet danga minung awm vea ring an awm a, chung mite rin chu a dik ngei em tih finfiah turin Facebook neitu Mark Zukerberg, scientist ropui Stephen Hawking leh Russian pa hausa, Yuri Milner te chuan hma an la ṭan.

Heng mi ropui pathumte hmalakna hmingah hian Breakthrough Starshot tih vuah a ni a, USD mtd 100 vel zet sum pawh dah a ni. An innghahna hmanraw pawimawh tak chu 'nanocraft' an tih mai, thil thlawk thei an sia, te tak tÍ a ni. He nanocraft hmang hian Alpha Centauri-ah nunna an zawng dawn a, Alpha Centauri hi kan awmna lei aṭang hian Íng kum 4.37-a hla a ni.

Alpha Centauri hi kan awmna solar system aṭanga star system hnai ber a ni a, arsi pathum awm khawmna hmun a ni. He star system-ah Alpha Centauri A, Alpha Centauri B leh Proxima Centauri arsite an awm a, A leh B te hi an Íng hle a, vana arsi eng ber pathumna an ni. ng kum hi Íngin kum khat chhunga a thlen hlat theih zawng sawina a ni. ng hian second khat chhungin km 299,792 a thleng thei a, hetiang char chara chaka kal hian Alpha Centauri thleng tur hian kum 4.37 a ngai a ni.

Nanocraft hi Íng zung hmanga kal tur a ni a, a kal chak zawng hi Íng chak zawng hmun lia ṭhen hmun khat vel laia chakin a thlawk thei dawn a, Alpha Centauri hi kum 20 hnuah a thleng thei dawn tihna a ni. Nanocraft-ah hian camera leh GPS a awm ang a, thil ṭul tur dang, a dah theih ang chu an dah bawk ang. Alpha Centauri hi nanocraft ni lo, spacecraft chak ber hmangin pan ta ila, kum 30,000 thlen nan a ngai ang.

Nanocraft hming hi 'StarChip' tih a ni a, a tÍ hle a, centimetre khat vel chauh a ni a, gram khat vel chauha rit a ni bawk. A battery hmantur atomic battery a ni ang a, metre 4 vela hlai lightsail a keng tel bawk ang.