Pasal a la neih ve tur thu Sushmita Sen-i'n a sawi

India film star zinga hmeltha leh Miss universe hial pawh lo ni tawh Sushmita Sen chuan a duh zawng a hmuh chuan pasal a la neih ve ngei tur thu a sawi.

Mizoin nula senior kan tih ang a ni tawh a, kum 1994 daih tawh khan miss universe a lo ni tawh bawk. Hetih lai hian Sushmita Sen hmangaihna zinkawngah hian pasal an la tel thei lo a, hei vang hian mi tam tak chuan a chanchin hi an ngaihven zui phah a ni. Kum 2004-2006 chhung khan actor, Randeep Hooda nen inkawpin an inṭhen zui a, 2018-2021 khan Rohman Shawl nen inkawp lehin, 2022 khan sumdawng lian Lalit Modi nen an inngaizawng tih hriat a ni leh ta a ni. Vawiin thlenga pasal nei loa a la awm chungchungah zawhna tam tak a dawng fo a, Suhsmita hian a hringnun chu harsat ve ṭhin thu te, rilru natna tam tal a tawh ve fo thu leh, a mihring duh zawng tak a tawng a nih chuan pasal pawh a la nei ve ngei ang tih a sawi.