Jay-Z buatsaih, Made in America festival cancel avangin mipui thinrim

Philadelphia-a innghat, Jay-Z-a buatsaih, kum tina neih thin, Made in America festival chu organiser-te'n kumin atan neih a nih dawn loh thu an puang a, hei vang hian festival kal ṭhinte chuan social media lamah an thinrimna an lantir.

Made in America festival hi kum 2012 aṭanga hman ṭhin niin, rapper Jay-Z bulṭan a ni a, mahse, kumina neih a nih loh tur thu hi festival buatsaihtute hian social media lamah April 3 khan puangin, Made in America chuan rimawi leh a ken tel thil chi hrang hrang pawh khawm bakah, fans te nena inlaichinna siam ṭhat kawngah a thawh hlawk em em thu te an tarlang a ni. Kuminah erawh chuan neih theih a ni dawn lo a, ropui zawka buatsaih leh tum a nih thu an tarlang tel bawk a ni.

Hetih lai hian social media lamah hian festival kal tum leh kal thin tam takte chuan an lungawi lohna lantirin, ṭawngkam chhe tak takin an comment zui a, ṭhenkhat erawh chuan festival hlung zawk buatsaih a nih theih nana ruahmanna thar siam turin an ti bawk. Made in America festival hi nikum khan chhan hrang hrang avangin cancel a lo ni tawh bawk.