Blink 182 an rawn kir e

Music khawvelah th‚wm an neih lohna a rie ve ta viau a, mahse an reh hlen dawn lo tih tichiang turin Blink 182 chuan an album thar tur aṭangin single an tih≠chhuah tur an rawn khuhhawng a, chumi rual chuan tour programme an neih tur thu an rawn puang chhuak bawk.

Kum 2011-a an studio album parukna, Neighborhoods album an tihchhuah hnu khan album puitling lam an ngaihsak leh ta mang lo a, kumin hian album tihchhuah ngei tumin an thawk a, an thawk ngawrh bawk a, an tichhuak ngei dawn e. Blink 182 album thar tur hi California tih a ni a, kum≠in July thlaa tihchhuah an tum. He album-a hla, 'Bored to Death' tih chu an khuhhawng ta bawk a, music khawvelah Blink 182 hmel hi kan hmu chho leh tak tak dawn a ni.

Hei bakah hian tun nipui chhung hian tour nei turin an inruahman. Thla li chhung hu zet awh tur an tour hi June 22
khian San Diego, California-ah an ṭan ang a, October 1 khian Los Angeles-ah an tawp ang. An tour-ah hian All-American Rejects, All Time Low leh A Day To Remember ten an zui dawn a ni.