14th Edu Fest 2016 awm dawn

'Edu Fest' buatsaihtute chuan May 10-11 chhung hian Assembly Annes-ah Edu Fest 14-na an buatsaih leh dawn a, chawhma dar 11 aṭanga tlai dar 5 thlengin hun hawn a ni ang.

Edu Fest-ah hian kum danga telh ngai loh telh tum a ni a 'Education as a Challenge' tiin zirna in ṭha tak takte aṭanga Professor, Directors leh Educationist te chuan zirlai te tan an hma hun leh khawvel competition kara inhaichhuah dan te, education-in a thil tum tak tak te sawi hopui an tum. Mizo zirlai, hna zawng lai leh midang te tan a thlawnin a chhim theih dawn a ni. Ni khatah chawhma leh chawhnuah session buatsaih an tum niin huaihawttu Lynchpin te chuan an sawi.

Kumin hian institution 40 chuang aṭangin anmahni mi leh sa ngei an lo kal leh dawn a, course 800 dawn thlan tur a awm ang. ëEdu Festí tih hi dan hnuaia ëtrademarkí felfai taka ziahluh a ni a, a ang emaw zulzuia fair siam ṭhin an awm a nih chuan an hriatpui lo tih thu leh mawh an phur lo niin Lynchpin events Kaushik Baruah chuan thuchhuahah a sawi. Phaia lehkha zir zawm duh, tihngaihna mai hre lote tan Edu Fest hi a ṭangkai hle.