Metallica manager-in YouTube a ngei!

Mizo zaithiam tam tak tan pawn YouTube hi thil lawmawm tak a nihna lo chen a awm ang, Metallica te ang, band lian leh hlawhtling tan phei chuan a ngeiawm viau thei dawn. Metallica manager, Red Hot Chili Peppers leh Muse te pawh enkawltu, Peter Mensch chuan YouTube hi 'Devil' ti hialin a ko.

Mensch hi BBC Radio 4 documentary-a an kawmnaah YouTube chungchang hi sawiin, 'Devil' ti hial a sawi bakah, YouTube
aṭang hian Metallica hlawkna an tel hauh lo niin a sawi. BBC hian The Pirate Ship tih documentary an tichhuak a, hetah hian music industry-a piracy chungchangte sawi lan a ni. Mensch chuan mi tu emawin YouTube kaihhnawihah hian hma a la a nih chuan kan chhe zel ang tiin a sawi bawk.

YouTube hian a hranpain zaithiamten video an dahah hian pawisa a pe lo nachungin, zai≠thiamte chu an video-a advertisement an dah a phalsak thung. Hetiang avang hian YouTube chuan sum a hailut hnem hle niin, International Fe≠deration of the Phonographic Industry chuan a tarlang. Streaming site dang, man neia subscribe chi 68 tena kum 2015-a an sum lakluh zawng zawng ch USD tluklehdingawn 2 a nih laiin, YouTube hian chauh hian USD maktaduai 634 a lalut a ni.

YouTube chuan zaithiamte hnena YouTube aṭanga sum lut pawisa a thlen dan hi chu an record label te nena ruahmanna an siam azir a ni tih an sawi. Zaithiam pakhat, Lindsey Stirling chuan a YouTube-ah fakna dah a phal a, a YouTube channel hi mi maktaduai 7.8 ten an subscribe a ni. Heng
aṭang hian nikum chhung khan USD mtd 6 zet a lalut.

Tunah hian zaithiam te leh label lian deuhte chuan YouTube kal_hmangah ruahmanna thar a awm theih nan hma an la mek. Kumin hian an inremna license te tihthar a ngai dawn a, chumi behchhan chuan zaithiamtena an hlawkpui zawk theihna tur d‚n
ṭha zawk an beisei a ni.