Toy Story 5 release hun tur puang

Disney chuan mipuite nghahhlelh tak, Pixar sequel, Toy Story 5 release hun tur a puang ta, mahse, kum 2026 kan nghah thlen a la ngai dawn.

Toy Story 4 kha kum 2019 daih tawha tihchhuah a ni a, a chhunzawmna hi kum sarih dawn hnu, June 19, 2026-ah an tichhuak thei dawn chauh a ni. A plot pawh an la puangzar duh lo a, mahse, Tom Hanks leh Tim Allen te chuan Woody leh Buzz Lightyear tan an aw an thawh leh ngei beisei a ni. Disney CEO, Bob Iger chuan kumin February thla khan Walt Disney Animation Studios film - Frozen II leh Zootopia sequal siam a ni dawn tih a puan rualin, Toy Story 5 pawh siam an tum thu hi a sawi a ni.