2024 CMT Music Awards-ah Jell Roll a langsar ber

Annual country music awards, 2024 CMT Music Awards chu Pathianni zan khan Austin, Texas-a Moody Center-ah sem a ni a, Kelsea Ballerini chuan a ṭum lina atan show hi a host leh a ni.

Nomination pathum hmutu, Jelly Roll a che ṭha fal a, nominate a nihnaah award a la kim vek. Award sem zan pawh hian 'Halfway to Hell' a perform bawk. Country pop newcomer, Dasha pawh a ṭum khatna atan CMT Music Awards-ah a perform ve bawk. Anni bakah hian CMT award pathum lo la tawh Cody Johnson, Jason Aldean, Megan Moroney leh Lainey Wilson te chu perform zingah an tel.

Award sem zan hian kumin February thlaa kum 62 mi nia boral, country star, Toby Keith hriatrengna puala hun hman niin, artist-te'n a hla hit ṭhenkhatte an rawn sa a, Keith band-in an lo pui a ni.