Firehouse singer CJ Snare a thi

American hard rock band, Firehouse singer CJ Snare chu kum 64 mi niin April 5, 2024 zan khan a chenna inah a boral. Pathianni khan a thih thu hi official Firehouse Facebook page-ah an rawn tarlang a ni.

Firehouse hi kum 1984-a din niin, Snare hi a dintu zingah a tel. Guitarist Bill Leverty leh drummer Michael Foster nen kum 40 dawn chu an band-ah hian an tel a ni. An band top 20 hits : 1991-a 'Don't Treat Me Bad' leh 'Love of a Lifetime' leh 1992-a 'When I Look Into Your Eyes' pawh a phuahtu zingah a tel a ni. Kum 2023 khan a inzai a, hei vang hian band zin chhuahna lamah pawh a tel thei lo a, mahse, kumin nipuia live performance lamah a inlan theih tawh an beisei laiin a boral ta a ni.