A tracklist leak vangin Billie Eilish a lawm lo

Billie Eilish chu a album thar tihchhuah tura tracklist online lamah a leak avangin a lungawi lo hle.

Rolling Stones magazine chuan 'Hit Me Hard and Soft' tracklist hi Eilish phalna nei loin an lo tichhuak a, hei vang hian social media lamah pawh magazine hi na takin a sawisel zui a ni. Rolling Stones-in album thara tracklist a tarlante hi "Skinny", "Lunch", "Chihiro", "Birds of a Feather", "Wildflower" leh "The Greatest" bakah "L'Amour De Ma Vie", "The Diner", "Bittersuite" leh "Blue" te an ni. Billie Eilish hian a studio album pathumna tur hi May 17-ah a chhuak dawn tih a lo sawi tawh a, a cover art pawh IG-ah a lo post tawh a ni. Hemi hma hian a album-a hla snippet pawh a lo tichhuak tawh bawk.