Jackie Chan-a'n a thlalak chungchang sawi fiah

Global icon, Jackie Chan chu April 7 khan kum 70 a tling a, a pian cham puala a thu post-ah tunhnaia a thlalak, a lan tarna deuh chungchang a sawi fiah zui bawk.

Hong Kong action actor hi thla hmasa lam khan China-a event pakhata a telna thlalak, sam ṭuak nasa tak leh tar deuha a lanna chu social media lamah a darh a, mi tam takin a hriselna lam a ṭha tawk lo nitein an ngai a, sawi zui pawh a hlawh hle. Mahse Jackie Chan chuan a hriselna a ṭhat thu leh, thlalaka an hmuh chu American martial arts film, Karate Kid-a a lan dan tur ang a ni zawk tih a sawi. "Ka character chan tur hi lu ṭuak, khabe hmul ṭuak tawh, tar tawh taka a lan a ngai a ni," tiin, lemchan lama chona thar han hmachhawn zel chu nuam a tih thu a sawi zui bawk.