'Top Gun : Maverick' a lo hnar vangin Lewis Hamilton a inchhir

British racing driver, Lewis Hamilton chuan Tom Cruise-a'n a movie, 'Top Gun : Maverick' a chang tura a sawmna a lo hnar kha a inchhir hle tih a sawi.

GQ-in an interview-naah Hamilton chuan hemi chungchang hi a sawi chhuak a, Tom Cruise hian a film-ah hian pilot-a chang turin a sawm a, mahse, chhan dang avangin a tana hun ṭha tak a siamsak hi a lo hnar niin a sawi. 'A hmasa berah chuan acting zirna engmah ka neih loh vang a ni a, keimah avanga movie a chet chhiat phah ka duh lo a ni. Chu bakah hun ka inpe thei lo bawk a ni," a ti. A chan theih loh thu a hrilh pawhin hrehawm a ti hle a, a movie a rawn chhuah hnuah erawh a inchhir hle tih a sawi. Tunah hian Brad Pitt channa, Formula 1 movie siam turah Joseph Kosinki thawhpuiin, he project-ah hian executive producer a ni dawn a ni.