Billboard 200 : Beyonce-i'n country lamah a duai lohzia a lantir

Billboard 200 album chart tharah Beyonce Knowles chuan a country album, 'Cowboy Carter' chu pakhatna a nihpui a, chart-a no. 1 ni thei album pariat a neihna a ni ta.

March 29-a tlangzarh, 'Cowboy Carter' hian US-ah equivalent album unit 407,000 a nei a, he album-a hla 22-te hian on-demand official stream mtd 300.41 hu nei bawkin, album sales hi 168,000 a tling. Beyonce hian he album hi Billboard Top Country Albums, Americana/Folk Albums leh Top Album Sales chart-ah no. 1 a nihpui vek bawk a, mihang hmeichhia zinga Top Country Album chart-a no. 1 ni thei hmasa ber a ni bawk.

Future leh Metro Boomin thawh dunna, 'We Don't Trust You' chu no. 2-ah a tla thla a, equivalent album unit 131,000 a nei. Morgan Wallen 'One Thing at a Time' chu no. 3-ah a rawn chho leh a, nikum March thlaa release tawh he album hian kar liam ta khan equivalent album unit 69,000 a la nei thei. Ariana Grande 'Eternal Sunshine' chuan equivalent album unit 58,000 neiin no. 4-ah a tla thla thung a, J-Hope chuan a album thar, 'Hope On the Street, Vol. 1' chu no. 5-ah a rawn lanpui.

Album chart top 10-ah hian hun rei tak lo chart lo luah lum tawh, Olivia Rodrigo, Noah Kahan, Taylor Swift, SZA leh Zach Byran-te kan la hmu chhunzawm bawk a ni.