April 12-ah Miss Mizoram Fitness Round show

Miss Mizoram 2024 thlanna chu kalpui mek zel a ni a, April 9, Thawhlehni khan Genesis Gym-ah Fitness Round neih a ni. Fitness Round show hi April 12, Zirtawpni zanah ZONET TV-ah tihchhuah a ni ang.

Miss Mizoram 2024-ah hian main sponsor chu Directorate of Women & Child Development (WCD) a ni a; co-sponsor-te chu UDPA Department, Atomy India, GIG Motors leh Mams Food te an ni.

Contestant-te hi main sponsor, Women & Child Development chuan ni hnih chhung an hmalaknate an fanpui dawn a; UDPA Department lamin khawlai/hmun faina leh thianghlimna lamah hmalakpui an tum bawk.

Intihsiakna hrang hrang nei chhoin, Grand Finale chu April 26, 2024 zanah neih a ni ang. Main sponsor, WCD chuan Miss Mizoram 2024 chu an department ambassador atan an hmang nghal dawn tih an tichiang tawh bawk.