'Bade Miyan..' in tlangzarh hmain Rs vbc 2.5 hmu tawh

Akshay Kumar leh Tiger Shroff-te channa, action thriller 'Bade Miyan Chote Miyan' chuan tlangzarh hmain, advance booking aṭangin Rs vbc 2.5 a hmu chhuak der tawh.

Vawiina release tur, 'Bade Miyan Chote Miyan' hi tlangzarh ni atan hian ticket 43,000 chuang an hralh chhuak tawh a, kumina Bollywood film chhuak zinga box office lama che ṭha ber tur zinga beisei a ni. Tlangzarh ni hian ram pumah Rs vbc 25 vel an hmu thei dawn nia chhut a ni. He film hi Ali Abbas Zafar direct a ni a; Hindi, Tamil, Telugu, Malayalam leh Kannada ṭawngin tihchhuah a ni ang. Sonakshi Sinha leh Alay F te pawhin role pawimawh tak an chang a ni.