Court-in 'Maidaan' tihchhuah tur a stay

Ajay Devgn channa, biographical drama, 'Maidaan' chu nimin khan theatre lama tihchhuah tura ruahman ni mah se, Mysore court chuan tichhuak rih lo turin a ti.

He film hi Indian football coach hlui, Syed Abdul Rahim chanchin tarlanna a ni. Mahse Karnataka-a scriptwriter Anil Kumar chuan film siamtute chuan a thuziak an ru nia puhin, Mysore-a Principal district and session court-ah a zualko a, hei vang hian court chuan film release tur hi a 'stay' sak ta a ni. April 24 hian court chuan a ngaihtuah chhunzawm ang. Complaint thehluttu, Kumar chuan kum 2010 aṭang khan coach Syed Abdul Rahim chanchin hi ziak ṭanin, kum 2018-ah a poster-te a post a, hemi hnu hian ad director Sukhdas Suryavanshi chuan biain, Mumbai-a a koh thu a sawi. A thu ziahsa chu pein, Screen writers Association-ah pawh a pek tel thu a sawi bawk. 'Maidaan' film thawnthu chu a thu ziah nen a lo in ang tih a hriat chuan mak a ti hle tih a sawi. Sukhdas Suryavanshi hi 'Maidaan' ah hian assistant director a ni.