Ice Spice-in Hollywood lam luhchilh dawn

American rapper, kum 24 mi Ice Spice chuan Hollywood lam luhchilh a tum ve leh ta. Spike Lee 'High and Low' film siamah a chang dawn.

He movie-ah hian Denzel Washington a chang dawn a, kumin kumtawp lamah theatre-ah tihchhuah tum a ni a, a hnuah Apple TV+ ah dah a ni ang. He film hi Hollywood legend pahnih - Lee leh Washington-te thawhdunna panga niin, kum 2006-a Inside Man an tihchhuah hnuah an thawhdun lehna hmasa ber a ni. Shooting hi an nei ṭan tawh a, Ice Spice hian eng role ber nge a chan dawn erawh sawilan a ni lo. Todd Black chu producer a ni ang. Ice Spice hi 2024 Super Bowl commercial-ah Starry tan a inlan tawh a, lemchan lamah thuk zawka kal a tum ta a nih hmel.