Zayn Malik-a'n album thara tracklist tur puang

Zayn Malik chuan a album tihchhuah tura a tracklist te a rawn puang.

One Direction singer hlui, Malik hian Nilaini khan a Instragram page-ah video upload-in, May 17-a a tlangzarh tur, a album thar 'Room Under the Stairs'-a a hla thupuite a rawn dah lang a ni. Hla 15 a awm dawn a, heng zingah hian 'Alienated' pawh a tel dawn. 'Alienated' teaser hi a hmain a lo dah tawh a, vawiin hian a single hi tihchhuah hmasak phawt a tum. Album thara a hlate hi ama phuah vek nge, artist dang a thawhpui tih erawh a sawilang lo. 'Room Under the Stairs' hi Malik-a album palina tur a ni. Kum 2015-a One Direction a chhuahsan hnuah solo-a kalin, 2016 kha a solo album hmasa ber 'Mind of Mine' a tichhuak a ni. 2018-ah 'Icarus Falls' leh 2021-a 'Nobody Is Listening' te a lo tichhuak tawh bawk.