'Smurfs' movie-a Rihanna tel vangin Katy Perry fan-te lawm lo

'The Smurfs' movie tharah Rihanna chu a tel ve dawn a, film hmasa lama Katy Perry role a rawn chan dawn vangin Perry fan-te an lawm lo a, social media lamah pawh an bengchheng viau.

Katy Perry hian 'Smurfs' movie hmasa pahnih, 'The Smurfs' (2010) leh a sequel, 'The Smurfs 2' (2013)-ah Smurfette aw a thawh a, mahse, movie tharah Rihanna aw hi hman a ni tawh zawk dawn a ni. Perry aw thawhnate hi Columbia Pictures leh Sony Pictures Animation thawk dunin an siam a ni a, mahse, movie thar hi Paramount leh Nickelodeon siam a ni dawn thung a, a tirah pawh Perry hi sawi lan tel a ni lo nia tarlan a ni. Smurfs movie thar hi nakkum February thlaa release tura ruhaman a ni a, a official title tur pawh an la sawi lang lo. Rihanna hian a aw a thawh dawn bakah, movie original music pawh a siam dawn bawk.