Mi rin loha hlawhtling Gisele Bundchen

Khawvel super model hlawhtling ber, model zinga hausa ber Giesele Bundchen hi hmeichhe nalh famkim a ni bik lo a, a ṭhian leh mi tam tak chuan chanchinbu lar tak tak k‚wmah a lan phak an ring ngai lo.

Gisele Bundchen hi People magazine-in an kawmnaah a chanchin, miin an rin lohna lama a hlawhtlinna chanchin hi a sawi chhuak. "Mi ṭhenkhatten ka hnar a len lutuk avang leh, ka hnar len ang hua ka mit a zÓm leh si avanga chanchinbu lian k‚wma ka lan an rin loh thu min hrilh ṭhin kha ka la hre reng ṭhin," a ti. "Kum 14 mi chauh la nih laia hetiang sawiselna dawn chu lo pawm dam mai a awlai lo khawp mai a, mahni inrintawkna a tibo hle a ni. Ka pa ka hrilh chhawng a, 'Chutianga an tih leh che chuan, kan hnar a len ang bawk hian ka rilru pawh a lian a ni tiin chh‚ng ang che' tiin min hrilh a ni," a ti.

Hetiang sawiselna hi dawngin, miin a hlawhtlin ring lo mah se, tunah chuan Bundchen hi model hlawhtling ber a ni a, kum 1990 chho aṭang khan modelling industry-ah hian a lut a, kumin hi he industry-a kum 21 a awm tlinna chiah a ni. Kum 2001 aṭang ringawt khan, tun thlengin, modelling industry aṭang hian USD mtd 386 zet a lalut tawh a ni.

Hlawhtling hle mah se, fa pahnih nei tawh Gisele Bundchen hian runway erawh a chawlhsan a, chutihrual chuan endoresement dangah erawh a la inhmang chho zel. Fate enkawl a duh a, a fate bul a hun tam zawk a hman theih nan runway hi a chawlhsan a ni.