Prince kha thih chhanah AIDS an puh

Hollywood Life-in a tarlan dan chuan zaithiam Prince kha a thih hma thla ruk kalta khan AIDS natna a vei tawh a, a thih chhan pawh hi AIDS a ni tiin a sawi.

Hollywood Life-in National Enquirer thuziah a ziah chhawnah chuan thla ruk kalta khan Prince hian AIDS a vei tih hmuhchhuah a ni a, mahse amah Prince hian inenkawl a duh lo a, ART a lak duh loh avangin a thihpui ta a ni ber mai. Tarlan danah chuan a thih hma lawkte khan chaw a ei mumal lo hle a, a taksa temperature nasa takin a tlahniam a, hlauhawm khawpin a taksa a dai a, a chak lo em em bawk.

National Enquirer chuan Prince hi a hma aṭangin thi turin a inbuatsaih niin a tarlang bawk. HIV hrik a kai ṭanna tak chu kum 1990 chho vel khan a ni tawh a, thla ruk kalta aṭang khan a taksa raldotu a chhiat tak avangin AIDS natna a nei ṭan a, a inenkawl zui duh loh avangin a thih phah niin a sawi a ni.

Chanchinbuin a tarlan danah chuan a hmain doctor-te chuan a thisen var a tlem hle tawh a, hlauhawm khawp a ni tawh tih an hrilh a, a taksa temperature pawh mi pangngai taksa lum lam tur aṭang chuan hniam tak a ni tih an hrilh a, mahse a inenkawl zui lo a ni. Prince hi ft 5 leh inchi 2 chauha sang a ni a, a taksa san zawng ngaihtuahin a rihna a hniam hle bawk a, chuvang chuan a hma aṭangin eng natna emaw chu a nei tawh nia ngaih a ni.