Movie ngainate tan March thlaah Captain America leh X-Men

Tunkar tawp chhung hian movie ropui tak, blockbuster tur ang chi awm hmel loh mah se March thlaah erawh chuan film ropui tur kan hmu dawn a, Captain America: Civil War leh X-Men: Apocalypse te hi en chakawm ber ber an ni tawh.

May chawlhkar hmasa ber hi Captain America hmuhnawm titute tan chuan hapta nghahhlelhawm a ni ang, May 6 hian Captain AmericaL Civil War chhuah ṭan a ni dawn a, box office lamah pawh hnuhma ropui tak a neih a beiseiawm khawp mai. He film an chhuah ruala an chhuah ve tur 'Pele' hi futbol ngainate tan chuan hmaih phal chi a ni lo mai thei a, Brazilian futbol thiam hmingthang Pele chanchin a ni. Elstree 1976 hi Star Wars movie behchhan documentary a ni a, limited-in nge an chhuah ang hriat ni chiah lo mah se, Star Wars movie ngaina tan chuan en man hla tak tur a nih a rinawm.

May chawlhkar hnihnaah movie ropui tak beisei tur a awm lo a, mahse a hmuhnawm ti tan chuan A Monster with a Thousand Heads leh AAIC: Monet to Matisse te hi a hmuhnawm ang. Mahse, hemi kara chhuah tur The Darkness hi horror film a ni a, a ngaina tan chuan ch‚n manhla tak a ni ang; chhungkaw pakhatin an duh loh chunga an in chhunga thlarau lam an luhtir chanchin a ni. The Curse of Sleeping Beauty hi limited release tur a nih avangin box office-ah chuan hmun ropui tak a luah lo ang tih a hriat sa a, amaherawhchu thriller ngaina tan chuan Thomas Kaiser-a'n an thlahtute in a rochun chhungah anchhia bet tlat a hmachhawn dan hi hmuhnawm a ni ang.

Thai martial artist hmingthang, Ong Bak aṭanga kan hriat, Tony Jaa channa, Kill Zone 2 chu May 13-a chhuah ṭan tur a ni a, limited release bawk a nih avangin sum lakluh lamah chuan chanchin ropui tak a neih beiseiawm lo mah se, action chu a ṭha ang. Mobile phone game lar Angry Birds kha, May 20 hian tihchhuah a ni ang.

X-Men: Apocalypse hi box office-a ropui tura ngaih a ni a, he film hi Hugh Jackman tel lohna a nih avangin mi ṭhenkhat chuan ho dawn riauin an hria; May 27 khian an chhuah ṭan ang. Fairytale lam ngaina tan hemi ni hian Alice Through The Looking Glass hi en a man hla ang a, Alice in Wonderland hmuhnawm ti chuan hmuhnawm an tih ngei a rinawm. Hemi nia chhuah tur bawk, Nicolas Cage-a channa, USS Indianpolis: Men of Courage hi Indopui II laia US indo lawngin ral a beih dan chanchin a ni a, hmuhnawm tura rin a ni.