stAge feat Sangtei Khawlhring Beiseina nen an rawn lang

3rd May, 2016

Pensy-i an chelh ding thei dawn lo anga a lan hnuah, Hontrade International Ṭhazual Lengzemah chelh dinin a awm a, stAge leh Sangteii Khawlhring te beiseina nen pakhatnaah an rawn lang ve ta.

Ṭum thum zet pakhatnaa a awm hnuah Pensy hian pawhthlakin a awm a, a aiah stAge leh Sangteii Khawlhring te hla 'Beiseina' chu pakhatnaah a rawn lang. He hla hi Hontrade INternational Ṭhazual Lengzem chart-a kan hmuhna a la rei loh ang aiin hma a sawn chak a, pakhatna hi a luah hma hle.

March 21-a chart tihchhuahah khan pakuanaah stAge leh Sangtei Khawlhringte hian 'Beiseina' hla hmang hian bul an rawn ṭan a, an hmasawnna a zuang a ni ber mai. April 4-a chart tihchhuah lehah kha chuan parukna an rawn mai der tawh a, April 18 khan pahnihnaah an rawn kai chho tawh a ni. Chart-a a rawn lan aṭanga a vawi linaah pakhatnaah a rawn kai thei a, hetianga pakhatna hauh hma hi a tam lo khawp mai.

'Beiseina' music video hi a hmuhnawm a, music video-ah chuan tuihnuai scene ka hmuh hmasakna ber a ni hial mai thei. A zaiate pahnih an thiam mai bakah a music video hi a hmuhnawm hrim hrim a anpui a tam lo khawp mai. Video hi Gabriel Graphix kutchhuak a ni.

Pensy-i hla 'Chelh ding rawh' tih chu pahnihnaah a chhuk thla a, parukna aṭangin Zothan 'Sam ang ka
ṭhen ta e' tih chu pathumnaah a rawn kai dawrh mai. Lunglei Govt College music video 'Summa Supremo' chuan hma a sawn zel a, pariatna
aṭangin palina a thleng thei tawh a, Samuela Chhangte leh Sangkimi Khiangte te hla nalh zet mai 'Inṭhen lawng' tih chu pathumna aṭangin panganaah a chhuk thla bawk.

HONTRADE INTERNATIONAL THAZUAL Lengzem

1. stAge ft Sangteii Khawlhring -

Beiseina

2. Pensy -
Chelh ding rawh

3. Zothan -
Sam ang ka Ṭhen ta e

4. Voices of LGC -

Summa Supremo

5. Samuel Chhangte & Sangkimi Khiangte -

InṬhen lawng

6. Pektea -

Aw nang nen

7. Lawmi Khiangte -

Kan hlimlai

8. Manuna -

Ka lo tir tawh lawng

9. J&J -

Ka hmangaih ber che

10. Janet -

Ka hmangaih che