The Jungle Book bawk an la keu ngun

North America-ah chuan The Jungle Book bawk a la hlawhtling a, kar tawp ni thum chhung khan USD mtd 42.4 zet a lalut leh a, hengte nen hian US-ah chuan USD mtd 252.1 zet a thawk chhuak tawh.

Mahse The Jungle Book hian pakhatna a hauh tawh loh a rinawm a, May thlaa movie chhuak tur kan tarlan tawh (nimin zingah khan March thla tih palh a ni) zingah Captian America chu tunkar hian an tichhuak dawn a, hei hian pakhatna a rawn hauh ngei a rinawm. Chuti ni mah se, a lo chet tawhah a che ngap a, The Jungle Book hian sum tam tak a la chhuak tawh a ni. The Jungle Book hian hapta thum chhung chu pakhatna a hauh tawh a, US pawnah chauh pawh USD mtd 200.2 zet chu a thawk chhuak tawh tho tho. Khawvel pumpui aṭanga a sum hmuhchhuah tawh zawng zawng hi USD mtd 684.7 a ni tawh.

The Huntsman: Winter's War chu pahnihnaah a awm a, USD mtd 9.39 a lalut a, hei movie hi a ropui viau nain, beisei ang erawh a ni lo deuh. Keanu chu pathumnaah a awm a, Mother's Day chu palina a ni.

Box office movies

"The Jungle Book" - $42.4 million

"The Huntsman: Winter's War" - $9.39 million

"Keanu" - $9.35 million

"Mother's Day" - $8.3 million

"Barbershop: The Next Cut" - $6.1 million

"Zootopia" - $5 million

"Ratchet & Clank" - $4.8 million

"The Boss" - $4.2 million

"Batman v Superman: Dawn of Justice" - $3.8 million

"Criminal" - $1.3 million