Drake album a ropui ang

US-ah, physical-in Drake hian a album la tichhuak lo mah se, iTunes leh Apple Music kaltlangin Ningani aṭang khan a zuar chhuak a, copy 630,000 zet a hralh tawh a, US-ah May 5 hian a zuar chhuak ṭan ang a, Beyonce pawh a rawn khum ngei a rinawm.

Drake album thar hi 'Views' a ni a, digital-in a zuar chhuak phawt a, hralh a kal cher cher hle. He album-ah hian Rihanna, Future leh PartyNextDoor te a zaipui.

Drake-a studio album palina tur hi US-ah ringawt, tunkar hian copy nuai 8 vel chu an hralh theih an beisei a, an beisei ang zat an hralh a nih ngat chu kum 10 chhunga, chawlhkar vawi khatnaa album copy nuai riat hralh tlin theih 10-na tur a ni ang a, chu mai bakah Justin Timberlake-a hnuah mipa zinga hetiang zat hralh thei awm chhun a ni dawn a ni.