Kuminah Samsung phone model thar

Samsung chuan kumin hian Galaxy J5 leh Galaxy J7 model tharte a tichhuak dawn tih China aṭangin a puang. Heng phone-te hi mid-range a nih avangin a man pawh a to lutuk lo ang a, tlawm tak e­rawh a ni lo ang. Korea pawisain a man tur zat hi an puang a, J5 hi Won 290,000 a ni dawn a, India pawisa chuan Rs. 17,000 tluk a ni a, J7 hi Won 363,000 a ni ang a, India pawisain Rs. 21,000 a ni.

Galaxy J7 (2016) hi a hmai inchi 5.5 a hlai a ni ang a, 3GB RAM leh internal storage hi 16GB a ni ang. Camera hi 13 MP a ni a, a front camera hi 5MP a ni ang. Galaxy J5 (2016) hi a hmai inchi 5.2-a hlai a ni ang a, 2GB RAM niin, a hnung lam camera hi 13MP a ni ang a, a hmalam hi 5MP tho a ni ang. Nikum khan J5 leh J7 2015 model te tihchhuah a ni tawh a, Rs. 11,999 leh Rs. 14,999 man ve ve te an ni a, 2016 model te hi tlemin a to deuh a rinawm.