Spider-Man 3-ah Alfred Molina 'Doctor Octopus'?!

Hmanni deuh khan Tom Holland-a channa Spider-Man-ah Andrew Garfield-a Spider Man-a misual Jamie Foxx 'Electro' chu kan hmu nawn leh dawn niin khawthlang media lam chuan nasa takin an tarlang tawh a, tunah thuthar dang rawn tarlang leh tawhin Tobey Maguire-a Spider Man-a misual Alfred Molina 'Doctor Octopus' pawh a rawn inlan leh dawn an ti leh tawh!

Alfred Molina 'Doc­tor Octopus hi Spidey-verse-ah kan hmu leh dawn tih hi Variety chuan Thawhlehni khan a tarlang a, tak tak nimaw? A tak tak a nih dawn chuan Spider Man generation hrang hrang Spider-Man 3-ah kan hmu dawn nia thuthang awm ṭhin hi a tak takin a thleng dawn pawh a ni mahna.

Kum 2004-a tlang­zarh Tobey Maguire channa Spider-Man-ah khan Alfred Molina 'Doctor Octopus' hi a lo inlan tawh a, kum 16 lai a ral hnuah kan hmu leh dawn a nih hmel.

Spider-Man 3-ah hian  Jon Watts chu director a ni leh dawn a,  Chris McKenna leh Erik Sommers-te'n script an ziak ang. Tom Holland 'Spider-Man' film hmasa pahniha an channa ngai bawkah Zendaya, Marisa Tomei leh Jacob Batalon-te chu an chang leh dawn a, Sony chuan nakkum December 21-ah he film hi tlangzarh hman an tum a ni.