GAMING NEWS: Halo Infinite nakkum favangah

Gamer tan thu lawm­awm thar hriat tur a awm leh ta. Halo game thar Halo Infinite chu nakkum favangah PC, Xbox One, leh Xbox Series S/X-ahte khelh theih turin tlangzarh a ni dawn tih game creative director Joseph Staten chuan Thawhlehni khan a sawi.

Joseph Staten chuan nakkum November-ah Halo game franchise thar tur hi tlangzarh a ni dawn tih sawiin he game hi tlangzarh an tum hmasak hun aiin kum khat vel zetin an tlangzarh har dawn ta a ni.

Microsoft hnuaia awm game developer 343 Industries chuan August thla khan game tlangzarh hun tihkhawtlai a nih dawn thu hi an lo puang tawh a, Covid-19 hripui leng chu game tlangzarh hun an tihkhawtlai chhan berah an puh.

Halo game hmasa ber Halo: Combat Evolved kha kum 2001-a tlangzarh daih tawh niin kum 20 ral hnuah Halo Infinite hi tlangzarh a ni dawn tihna a ni a, game peng hrang chu awm ve bawk mah se a main installment-ah chuan Halo Infinite hi game parukna tur a ni.

Halo game hi an hralh hnem tawh hle a, khawvel pumah copy maktaduai 65 vel zet chu hralh tawhin  $tluklehdingawn 3.4 vel an hmu chhuak tawh a; highest-grossing media franchises of all time zinga mi a ni.