'American Idol'-ah Rock & Roll Hall of Fame Inductee puang dawn

'American Idol' show neih mekah April 21 zan hian Rock Hall-themed episode an nei dawn a, he hunah hian kumina Rock & Roll Hall of Fame-a lak luh turte hming puan a ni dawn.

Inductee-te hi American Idol host Ryan Seacrest leh judge (2022 Rock Hall inductee) Lionel Richie-te'n an puang dawn a ni. Hemi zana show neih turah hian Gene Simmons chu guest mentor a ni dawn a, ani pawh hian KISS member angin kum 2014 khan Rock Hall-ah lak luh a lo ni ve tawh bawk. 2024 Rock Hall-a lak luh tura nominate -ah hian Mariah Carey, Mary J. Blige, Cher, Dave Matthews Band, Eric B. & Rakim, Foreigner, Peter Frampton, Jane’s Addiction, Kool & the Gang, Lenny Kravitz, Oasis, Sinéad O’Connor, Ozzy Osbourne leh A Tribe Called Quest te an tel.