MDM-in Lalfakkimi (Mafaki) MV release sak

Music Domain Mizoram (MDM) chuan nimin chawhnu dar 1 khan Lalfakkimi (Mafaki) music video, a boral hmaa a lo siam tawh chu MDM Office, Chanmari-ah an release sak.

April 16, 2023-a boral, Mafaki music video hi Upa C. Ropianga, IAS (Retired) chuan a tlangzarh a, he hunah hian MDM hruaitute leh Mafaki chhungte an kal ṭha hle. Music video tlangzarh inkhawm hi MDM Sr. Vice President Te-a Boihtlung chuan a kaihruai a, Maruati Hnamte-in hunserh hmangin, Angaihtei'n kalkhawmte zaiin a awi. KLr Teea chuan lawmthu sawina hun a hmang bawk. MDM chuan Mafaki chu he leiah awm tawh lo mah se, a hla ngaihthlatuten hlawkna pakhat tal an neihna turin duhsakna a hlan a ni.