Marvel Comics-ah 'Alien' a chhiar theih dawn

10th December, 2020

Marvel chuan Thawhṭanni khan thuchhuah siamin nakkum March thla aṭangin Alien comics thar an tichhuak dawn tih an tarlang.

Kum 2021-ah Alien franchise thar tlangzarh a ni dawn tih hi a hmain Marvel Comics chuan an lo puang tawh a, Thawhṭanni khan an tihchhuah ṭan hun tur hi an tichiang ta a ni.

Phillip Kennedy Johnson (EMPYRE: CAPTAIN AMERICA) chu script buaipui tu tur a ni a, Salvador Larroca (DOCTOR DOOM) kutah art lam a awm thung ang. Kum 1979-a tihchhuah tawh Alien zulzui comics hi chiang zawkin ALIEN #1-ah kan chhiar thei dawn a, comics tuipuitute tan chuan thu hriat nuam tak a ni ngei ang.