Frank Turner-a'n music show neih tamah record siam tum

English singer-songwriter, Frank Turner chuan darkar 24 chhunga khawpui hrang hranga music show nei tam ber record siam a tum.

World record siamna atan hian May 4 a ruahman a, chhunah ṭanin, a tuk May 5 chhun thlengin UK-a khawpui hrang hrangah show 15 neih hman a tum. A show tin hi minute 20 vel a awh beisei a ni. Hemi hma, May 3 hian a album thar, 'Undefeated' chu Xtra Mile Recordings kaltlangin a release bawk ang. Darkar 24 chhunga khawpui hrang hranga music show nei tam ber record chelh mektu chu Hunter Hayes niin show 10 a nei hman. Hemi hma hian The Flaming Lips chuan show vawi riat an lo nei hman tawh bawk.