Miss Mizoram 2024 tan Rs nuai 2 leh Vespa scooter

Miss Mizoram 2024 lawmman turte tihchian a ni ta a, Miss Mizoram 2024 atana thlan chhuah chuan lawmmanah Rs 2,00,000 leh Vespa scooter a dawng dawn. Women & Child Development department-in ambassador atan an hmang nghal dawn a, Lash Studio-in hamṭhatna a pe dawn bawk.

Pahnihna (1st runners up)-in Rs 1,00,000 a dawng dawn a, pathumnain Rs 50,000 a dawng ang. Pawisa fai bakah hian Lash Studio-in hamṭhatna an pe ve ve bawk ang.

Top 5-a tlingte, Top 10-a tling te, Finalist-te leh Sub-Title lawmman dawngtute hnenah lawmman pawisa pek a ni dawn. Contestant-te lawmman atana pawisa fai pek chhuah tur zawng zawng chu Rs 6,55,000 a ni.

Miss Mizoram 2024 thlanna hi tluang taka kalpui mek a ni a, April 16, 2024 (Thawhlehni) khan resort wear shooting tihpui an ni. Nimin khan main sponsor WCD department-in an hmalaknate an hrilhfiah bakah, an hnathawhna hmunhmate an fanpui a, co-sponsor PHE department nen hun an la hmangho leh bawk ang.

April 23, 2024-ah Sub-Title lawmmante sem a ni dawn a, April 26, 2024 zanah Grand Finale neih a ni dawn a, Zonet Zawlbuk leh Zonet Empai App-ah pek chhuah a ni ang.