Travis Kelce-a'n ‘Are You Smarter Than a Celebrity?’host dawn

NFL star, Taylor Swift bialpa ni bawk, Travis Kelce chuan Prime Video-ah game show “Are You Smarter Than a Celebrity?” a host dawn tih tihchian a ni ta.

Kumin kum tir lam aṭang khan Kelce hian he show hi a host dawn tia sawi thawm a awm tawh a, tunah chuan official-a tihchian a ni ta. Mahse show neih hun tur erawh sawi lan a la ni lo. Kelce hi TV lamah a inlan vawi khatna tur a ni lo a, 2016 khan USA Network-a reality dating show, 'Catching Kelce'-ah a lo inlan tawh a ni. Hei bakah music competition series host turin inbiakna neihpui a ni mek bawk nia tarlan a ni. Sports podcast 'New Heights' co-host a ni mek bawk a, music festival 'Kelce Jam' chu April 28 hian Kansas City-ah siam a tum bawk a, he hunah hian Machine Gun Kelly leh Ross chu headliner an ni ang. Prime Video nena an thawh dunna tur, “Are You Smarter Than a Celebrity?” hi episode 20 a awm dawn a, he show hi kum 2007-2009-a tihchhuah, Fox series “Are You Smarter Than a Fifth Grader?” reboot a ni.