Jungkook-a ui IG account-in follower mtd 4.5 nei tawh

BTS member, Jungkook chu sipaia a ṭan hnuah social media lamah a thawm a reh deuh a, mahse, April 14 khan Army-te rawn surprise-in, a ui duh tak Bam hmingin Instagram account, @bowwow_bam tih a siam thar. Bam hian nimin thleng khan follower mtd 4.5 a nei tling tawh.

Jungkook chuan account a siam chhanah a ui duat tak chu khawvel hmuha chhuang taka a pholanna tur a ni tih a Weverse post-ah a sawi a, he account hi amah ngeiin enkawlin a username-ah pawh 'Bam's dad' tiin a dah. Doberman Bam hi August 30, 2021-a Jungkook birthday live-ah khan a lock screen-ah a thlalak hi hmuh hmasak ber a ni a, a hnuah BTS The Soop! Season two poster-ah a lang leh bawk. Jungkook-a IG post tam takah a lang a ni. Jungkook hian BTS member dangte ang bawkin December, 2023 khan military service a zawm a, kum 2025, June thlaah a rawn let beisei a ni.