American Idol atangin lehkhabu ziaktu!

Kum 2011-a American mipuIte ngaihzawn rawn chu country music singer Scotty McCreery a ni. American Idol intihsiakah pakhatna a ni a, a zaithiam avangin lawm a hlawh a, American mipui ngainatzawng taka country hla a sak thiam em avangin ngainatu a ngah - tunah lehkhabu thar a ziak a, chu chu ìGo Big or Go Home: The Journey Toward the Dreamî tih a ni.

October 9, 1993-a piang Scotty hian a album hmasa ber chu 2011 October-ah a lo chhuah tawh a, he album 'Clear as Day' tihah hian "I Love You This Big" leh "The Trouble with Girls" tihte a lar zual bik a, kum 2012-ah Christmas album 'Christmas with Scotty McCreery' tih a chhuah leh bawk a, tunah lehkhabu a ziak ta.

'Go Big or Go Home' lehkhabuah hian kum 2011-a American Idol Season 10-a a zin kawngte thiam takin a ziak a, American mipuiin an ngaihzawn rawnna hla, John Michael Montgomery-a hla "Letters From Home" a sak chhuah dan boruakte ngaihnawm takin a ziak. Scotty chuan, "He hla hi vawi tam tak ka sak tawh ṭhin a ni a, ka hla duh tak a ni a; nimahsela ka thlan chhan chu American mipuite tan hla ṭha a niin ka hria a, kan hun tawn mek nen a inhmeha ka hriat vang a ni," tiin a sawi.

McCreery hi Kristian piang≠thar ṭha tak a ni a, an kohhranah pawh hla hruaitu zinga tel ṭhin ngat a ni!