Curry hralh a kal

Inhliam vangin basketball khel loin chawl rih mah se, Golden State Warriors superstar Stephen Curry ropuina a chawl lo - amah vangin Under Armour-in thawmhnaw an hralh hnem phah a, a huhang a nat avangin sawi a hlawh chho zel.

Under Armour lamin tun hnai quarter chhunga an pheikhawk hralh dan an chhut a, Curry nen an inzawm hnuah an company hian 30% zetin thawmhnaw an hralh hnem phah. Kum 2016-a an company sales forecast chu 8.7% vela ṭhang tura ngaih a ni a, pheikhawk bikah tunah hian 64% velin an hralh tam tawh a, 'Curry One' leh 'Curry Two' basketball shoe-te chu a hralh kal zual an ni.

NBA-a Most Valuable Player ni mek Curry hi mi tam takin Michael Jordan leh LeBron James-te angin a la ropui tawk lo tiin sawi mah se, tun hnaia a chet ṭhat chhoh zel avangin a huhang a na sawt hle.

The Marketing Arm lamin celebrity zinga mipuia huhang ngah (influence ngah) an thlan chhuah zingah a tel phak a - pop singer Taylor Swift, talk-show host ropui Oprah Winfrey, talk-show host Jimmy Fallon leh British lal chhungkaw lama mi Kate Middleton-te nen an thlang chhuak.

Tunah hian basketball phei≠khawk zinga hralh kal ber chu Nike Air Jordan a la ni zel a, Nike Kobe (Bryant) leh Nike LeBron-te'n an dawt a, chumi hnung chiahah chuan Under Armour Curry One leh Curry Two-te an awm.