Mizo Videographer hmasa K Lalreia

Mizo zinga Video lama sulsutute zing a mi K Lalreia Upper Republic hi mi tam zawk chuan kan hmelhriat kher awm lo e. K Lalreia hi kum 1939 khan Darzo khu-ah a piang a, Information & Public Relation-ah thawkin, kum1987 khan Senior Information Officer hna a chelh laiin voluntary pension-in a chhuak a ni.

Kum 1982 khan Video Camera Panasonic VHS chu a hmang ṭan a, mizo zingah chuan a hmasa ber pawl a ni ngei ang. Mizo Documentary pasarih lai a siam tawh a, heng zingah hian Mizo Documentary Film hmasa ber 'Dances of Mizoram' chu K Lalreia kut chhuak hi a ni. Music Video pawh a siam nual tawh a, a kut chhuak hmasa berah chuan Joseph Zokunga, Mapari leh Machhungi te an zai. K Lalreia hian RTC Lalduhawmi leh C Luri te music Video pawh a lo siam sak tawh ṭhin a ni. Kum 1983 khan Delhi-ah Vedeo Production Training neiin a kal bawk. Tun hnia khan Photography leh Videography lama Mizo te thlen chin zirchiang a, research bei mek Lalawmpuia chhangte Mission Veng chuan ngaihhlutna thlilpek a hlan nghe nghe a ni. K Lalreia leh a chhungte hi Upper Republic Vengah an khawsa mek a ni.