Beyonce ngaisangtu Adele

May 5 khan Alede chuan kum 28 a tling ta. British zaithiam Alede hian tun hnaia Beyonce album thar Lemonade a ngaithla a, ropui a tih thu a sawi chhuak a, Beyonce chu tun thlenga a la ngaihsan thu a sawi.

Ka ngaisang che

Adele chuan, "Kum 17 zet chu a music hi ka ngaithla tawh a, hma a la sawn zel thei hi a mak ka ti. Kum hei leh chen hi hla mawi tak tak a nei thei reng a, tun thlenga hnungtawlh loa hmalam a pan zel thei hi a ropui a, ka ngaisang a ni," a ti tawp mai.

A album '25' thehlara zin kual mek Adele chuan nikuma Beyonce leh ama inkar thuthang dik lo awm chu dawt phuahchawp mai a nih thu sawiin, "Thuthang mak deuh mai a awm a, chu chu Beyonce hmu duh loin ka hnar tih velte a ni a, hei hi dawt muhlum a ni... Engtikah mah Beyonce ka hnar ngai dawn lo a, ka naupanlai aṭanga ka ngaihsan tawh a ni a, a hla hi ka duh takzet a ni. Keimah min hrechiangtute chuan 'Queen Bey' ka ngainatzia hi an hre chiang ang," a ti.

Kum 28-ah

Dollar mtd 125

May 5 kha 'Adele Laurie Blue Adkins' piancham a ni a, kum 1988-a piang a ni. BRIT School for Performing Arts and Technology aṭanga kum 2006-a inzir chhuak, BBC Sound of 2008-a pakhatnaa an thlan hi kum 28 a nih meuh chuan a hlutna hi dollar makta≠duai 128 anga chhut a ni.

Celebrity Net Worth chuan tehna hrang hrang aṭanga an teh hnuah Adele hlutna hi dollar maktaduai 128 ve zetah an ngai a, nikum November-a a tihchhuah a album '25' hralhna aṭanga a sum hmuh zat hi tarlan theih la ni lo mah se, copy maktaduai 15 vel chu hralh tawh anga ngaih a ni a, a kar lhatnaah chauh pawh copy maktaduai 3.38 an hralh hman der a ni.

He British zaithiam hian kum thum chhung vel chawlh lain mipui hmaah a inlan lo a, heti chung hian a album hmasa pa≠hnih hlawhtlinna aṭangin kum khatah dollar maktaduai 25 vel chu lalut reng anga chhut a ni.

Engtikah mah Beyonce

ka hnar ngai dawn lo a,

ka naupanlai aṭanga ka ngaihsan tawh a ni