Zaninah 'Tualsumsu' a en theih dawn

Zote Entertainment buatsaih, Mizo horror/thriller movie, 'Tualsumsu' chu zanin hian release a ni dawn a, Lersia Play-ah en theiha chhawp chhuah nghal a ni ang.

He movie hi a dangdai hle a, continuous-shot (cut awm lo), a tam zawk action camera hmanga shoot a ni. A film siamtute pawh hian movie ti loin reality show tiin an sawi.

‘Nutei Thingpui Dawr’ film channa hmun hrang tia an sawi lar chu Tualchai Youtube (Ghost hunting Channel) te chuan lo hriain, hunting nei turin an inbuatsaih a, thil nihna bak, phuahchawp leh siam belh ching niin viewers ngah nan engpawh tih pawisa lo an ni. Mahse a hmun an thlen hian an tum dan leh ruahman angin thil an ti dawn em? An zan khat hun hman hian engtiang chiahin nge an nun a nghawng dawn? 'Tualsumsu' en ngei a ngai e.

Director leh producer hi Mike niin, a changtute hi Mesty Tochhawng, Lucas Tlau, Aron Hrangchal, Claudya Hmingsangzuali leh Remremi te an ni, makeup artist hi Jay vee Jongte a ni.