Kate Hudson album a chhuak dawn

Hollywood actress lar, Kate Hudson chuan lem chan bakah rimawi lamah a huang a zauh dawn a, May 17 hian a album hmasa ber tur, 'Glorious' chu a tlangzarh dawn.

Kum 44 mi ni tawh, Hudson hian a album-ah hian hla 12 a dah dawn a, Linda Perry, Johan Carlsson leh a pasal hual, Danny Fujikawa-te nena an siam niin, a hlate hi folk, rock and synthi, ballad leh pop-te an ni nawk dawn. Hudson hian a tleirawl lai aṭangin hla hi a phuah fo tih a sawi a, zai lam luhchilh erawh a ngaihtuah ngai lo. Mahse Covid hri len lai khan inngaihtuahin, album siam duhna hi a nei ta tih a sawi a, 'Album hi ka siam ve loh chuan ka la inchhir ang tih ka rilruah a awm ta tlut tlut a ni,' tiin, a buaipui chhunzawm ta a ni.