Martin Scorsese-a'n Isua film leh Frank Sinatra film siam dawn

Martin Scorsese chuan biopic pahnih, chanchin inang lo tak, Isua Krista leh Frank Sinatra-te chungchang film siam a tum.

'Killers of the Flower Moon' hlawhtlinpuitu, Scorsese hian chawlh hahdam a tum mai lo a, film siam hautak tak pahnih hi hmachhawpah a nei leh nghal a ni. Biopic hmasa zawk, 'Life of Jesus' siamna senso hi a tum dawn a, he film-ah hian Isua lemah Andrew Garfield chantir a tum nia sawi thawm mah se, tihfel engmah a la awm lo. Kumin kum tawp lamah chan hman tum a ni a, Israel, Italy leh Egypt-ahte chan tum a ni. Legendary singer, Frank Sinatra film a siam turah hian Sinatra fanu, Tina Sinatra chuan phalna a la pe lo nia sawi a ni. Mahse he film siam turin a inbuatsaih tho a, Sinatra lemah hian a lo thawhpui fo tawh, Leonardo DiCaprio changin, a nupui pahnihna Ava Garnder lemah Jennifer Lawrence a chang dawn nia sawi a ni. Studio lian leh streaming platform-te chuan Scorsese thawhpui an chak thu hi an sawi hlawm.