World iTunes charts-ah RIIZE che ṭha

South Korean boy band, RIIZE chuan an single tihchhuah thar, 'Impossible' chu an chet ṭhatpui nghal hle a, region hrang hranga iTune Top Songs Chart-ah an lanpui nghal.

'Impossible' hi April 18 khan tichhuakin, an mini album chhuak tur 'RIIZING' a mi a ni. An tihchhuah aṭanga rei loteah Korea ramchhunga realtime chart-ah no. 1 ni niin, YouTube Trending Music leh VIBE realtime trending chart-ah no. 1 an ni bawk. Melon Hot 100-ah no. 3 an nihpui bawk a ni. Heng bakah hian Thailand, Vietnam leh Mongolia-a iTunes Top Songs Chart-ah no. 1 niin, region dang - Japan, Finland, Indonesia, Taiwan, Malaysia leh Hong Kong-ah Top 10-ah an lang nghal bawk. China-a QQ Music Peak Trend chart-ah no. 2 leh, Japan-a Line Music Top 100 Songs-ah no. 3-ah a lang bawk a ni.