Kum 12 hnuah Creed-in concert nei leh ta

American rock band, kum 1994-a din Creed chu kum 12 chhung stage-a an inlan ho tawh loh hnuah, April 18 khan Miami-ah concert an nei.

Miami-a Summer of '99 festival cruise an buatsaihah Creed hian hla 16 sain, band original member - Stapp, mark Tremonti, Scott Philips, Brian Marshall-te bakah touring guitarist Eric Friedman-te an ni a, 'Are You Ready?' hla hmanga bul ṭanin, an hla lar “Torn,” “My Own Prison,” “Weathered,” leh “Faceless Man.” te an sa tel. Ningania an concert hi kum 2012, December hnua concert an neih lehna hmasa ber a ni. Kum 2004-a an inṭhendarh hnuah Creed hi inzawm khawm lehin, hemi hnu hian 2009 album, 'Full Circle' pualin tour an nei leh a, hemi hnu hian an reh zui leh ta vang vang a ni. Nikum July thla khan an rawn comeback tur thu hi an puang a, Ningani khan an rawn comeback ta a ni.